我同麥仔既common friend應該好清楚
麥仔其實是我的訓導老師。
有時候我懷疑麥仔係穿越時空來到現代
佢果種無欲無求，追求簡樸同我完全不同
佢會覺得化妝傷害皮膚啦染髮頭髮好傷咖等等
於是佢成日叫我唔好化妝染髮啦
素顏黑髮，即使布甸頭都唔緊要。
（但其實佢根本分唔到我有無化妝
淡妝同素顏佢根本睇唔出既）
然後我就諗起
當日佢識我既時候我都係會化妝會染髮
但佢當日都鍾意我啦
依家做咩要將我變成不修邊幅的大媽
我記得岩岩一齊時，
佢見到我搽左指甲油，
然後佢就講起佢朋友最最憎女朋友搽指甲既故事
我就問：咁您憎唔憎
佢答：無所謂。
然後一齊耐左佢成日話搽指甲油好核突！
當日既無所謂呢？！
當日佢講佢朋友個故事一定係有心講我知
好奸詐既男人！點解咁口不對心咖
明明當日就係被化左妝既我既豔麗所吸引
今日就想抹走我既豔麗嗎～
所以有時覺得麥仔比我爸爸更爸爸
佢一定係果啲中學生不要談戀愛支持者
我成日話：做您個仔女應該好慘 咩都唔準做
我知～佢係帶住私心地為我好
不過我是追逐自由的白羊
雖然訓導麥一直想阻止我，但我會努力抗爭
放心 唔會提早十年成為大媽
Search